8 de marzo MULLERES EN FOLGA

A CIG convoca folga de mulleres de 24 horas o vindeiro 8 de marzo de 2021, no Día internacional das mulleres traballadoras.  Sobran razóns para que as mulleres fagamos folga este 8-M, para facérmonos visíbeis na rúa, para reivindicarmos os nosos dereitos, para non darmos nin un só paso atrás na nosa loita. Fagamos ouvidos xordos ás voces que mesmo insinuaron que fomos culpábeis da pandemia, ou das que consideran que nunca é o momento axeitado para facérmonos valer. ÚNETE A NÓS!

[Click para +información]


A CIG-Ourense denuncia que UGT e CCOO pactaron en Adolfo Domínguez os paros laborais de mulleres do 8-M

Cualifican de hipócrita unha decisión coa que se pretende boicotear a folga convocada para ese día

Ourense -

A Secretaría das Mulleres da CIG de Ourense vén de denunciar publicamente que os sindicatos UGT e CCOO, en colaboración coa empresa Adolfo Domínguez, están a convocar ao cadro de persoal a un paro simbólico de 15 minutos logo do descanso, “dispendio económico que corre por conta do propio Adolfo Domínguez e que de paso pretende boicotear a convocatoria de folga mundial de mulleres do 8 de Marzo”.



Respostas ás preguntas máis frecuentes sobre a folga de mulleres do 8 de Marzo

A CIG ten convocados paros laborais de dúas horas por quenda de traballo

Nacional -

Desde a CIG tentamos responder ás principais dúbidas que xiran arredor da convocatoria de folga do vindeiro 8 de marzo para que todas as traballadoras do país poidan facer valer os seus dereitos e secundar a mobilización con liberdade.

» Accede aquí ao especial con toda a información sobre o 8 de Marzo



As comarcas seguen a quentar motores cara á folga de mulleres do 8-M

A CIG celebrou asembleas e concentracións de delegadas na Coruña, Pontevedra e Vilagarcía

» Accede aquí ao especial con toda a información sobre o 8 de Marzo

A folga de mulleres do vindeiro 8 de marzo segue a quentar motores nas comarcas. A CIG celebrou hoxe asembleas de delegadas na Coruña e Pontevedra para coordinar a xornada e preparar as mobilizacións. No caso de Pontevedra, as participantes no encontro aproveitaron para desenvolver unha concentración na céntrica rúa Benito Corbal. En Vilagarcía tamén tivo lugar unha mobilización, aínda que o lugar escollido foi a sede do INSS, onde se repartiron folletos informativos chamando a secundar os paros laborais convocados pola CIG para esa xornada.


A Asemblea Galegas 8M, que integran 30 colectivos -entre eles a CIG-, presentou hoxe en Vigo a manifestación nacional unitaria que percorrerá as rúas da cidade este domingo 4 de marzo “para amosar a nosa forza e nosa capacidade de espallar a loita feminista”. Durante a comparecencia diante dos medios de comunicación fixeron un chamamento a participar tamén na folga de mulleres e nas mobilizacións convocadas o 8 de marzo, Día Internacional da Muller Traballadora.

» Accede aquí ao especial con toda a información sobre o 8 de Marzo



A CIG recorrerá os servizos mínimos decretados pola Administración para a folga do 8 de marzo

Considera que a proposta é “excesiva, abusiva, inaceptábel” e vulnera o dereito a folga das galegas

Nacional -

A CIG anuncia que recorrerá o decreto de servizos mínimos que publique a Xunta de Galiza se esta persiste na proposta que presentou esta mañá ás organizacións sindicais, “claramente vulneradora do dereito á folga das mulleres galegas do día 8 de marzo”.


Marga Corral: “Ás galegas sóbrannos razóns para ir á folga este 8 de marzo”

A fenda salarial foi do 22,3% no último ano, mentres que a das pensións foi do 36,8%

Nacional -

» Accede aquí ao especial con toda a información sobre o 8 de Marzo

As mulleres cobramos menos ca un home; temos máis contratos a tempo parcial; máis dificultades para promocionar; pensións máis cativas; somos quen solicitamos excedencias; seguimos tendo unha dupla ou tripla xornada e impídesenos conciliar. Ao tempo, medra o número de mulleres con ingresos inferiores ao SMI e miles de mozas teñen que emigrar para evitar o desemprego ou a precariedade. Por estas e outras moitas razóns, a secretaria das mulleres da CIG, Margarida Corral, fixo un chamamento a todas as galegas a participar nos paros e mobilizacións convocadas con motivo do Paro Internacional de Mulleres convocado para o vindeiro 8 de marzo.


» Accede aquí ao especial con toda a información sobre o 8 de Marzo

» Respostas ás preguntas máis frecuentes sobre a folga de mulleres do 8 de Marzo

A CIG convoca folga no marco do paro internacional de mulleres que o 8 de marzo secundarán máis de 50 países, para reivindicar a igualdade de oportunidades entre mulleres e homes nas condicións de traballo, na esfera social e o dereito a vivir sen violencia.



A CIG chama a participar na manifestación nacional de mulleres do domingo 4 de marzo en Vigo

Impulsada pola Asemblea Galegas 8M no marco da folga do Día da Muller Traballadora

Nacional -

A CIG fai un chamamento a participar na manifestación nacional de mulleres que o domingo 4 de marzo, dende ás 12:00 horas, percorrerá as rúas de Vigo, no marco das mobilizacións organizadas arredor do Día Internacional da Muller Traballadora e da folga de mulleres convocada para este 8 de Marzo.


8 e 10 de Marzo: recuperando os nosos dereitos, recuperando a orixe obreira e reivindicativa destas datas

A CIG realizou asembleas e mobilizacións de delegadas/os para abordar as xornadas de loita

Nacional -

Coa ollada posta no 8 de Marzo e no 10 de Marzo, a CIG realizou este martes asembleas de delegadas e delegados en todas as comarcas (agás en Ourense, onde será este mércores) para abordar a convocatoria de folga de mulleres, coincidindo co Día Internacional da Muller Traballadora, e as mobilizacións convocadas co gallo do Día da Clase Obreira Galega. Dúas datas senlleiras ás que a CIG quere devolver o seu contido de clase e reivindicativo e nas que efectivizar a campaña pola recuperación dos dereitos e a loita contra a pobreza.



A CIG-Ensino quenta motores para a folga internacional de mulleres do 8 de marzo

A federación chama a participar nos paros ás milleiros de traballadoras galegas deste sector

Nacional -

Tan só no ensino público as mulleres supoñen o 70%, sumando arredor de 21.000 en total. O sindicato rexistrou xa a convocatoria de paros, en horario de 12 a 14 e de 19:30 a 21:30 horas, cos que se pretende revitalizar o espírito reivindicativo deste día e denunciar a situación de violencia que sofre a poboación feminina no mundo.



HORARIOS