CIG Diario Dixital Avantar

A CIG-Construción advirte de que os recentes accidentes laborais graves no sector evidencian a falta de formación e seguridade

Fri, 16 Oct 2026 18:39:00 +0200

A Federación da Construción e Madeira (FCM) da CIG advertiu hoxe que os recentes accidentes laborais graves rexistrados no sector en Galiza -catro en apenas dous meses- evidencian a problemática que a central sindical vén denunciando dende hai tempo, e que ten que ver coa falta de formación e as deficiencias en materia de prevención e seguridade laboral. En consecuencia, instan as administracións públicas a intervir e as empresas a adoptar as medidas necesarias para garantir a saúde e integridade das persoas traballadoras.

CIG-Saúde denuncia que a Consellería de Sanidade converte a Mesa Sectorial nun simple trámite informativo

Fri, 16 Oct 2026 14:52:00 +0200

A CIG-Saúde manifesta o seu profundo malestar pola falta de respecto da Consellería de Sanidade á negociación colectiva e á representación sindical das traballadoras e traballadores do SERGAS. A Administración pretende abordar na Mesa Sectorial do 20 de outubro medidas que xa terá presentado no Parlamento de Galiza o día anterior, sen dar oportunidade a unha negociación previa.

‘Eólica Así non’ denuncia o desamparo do Consello Xeral do Poder Xudicial e da presidencia do TSXG ante o traslado masivo de preitos

Fri, 16 Oct 2026 10:17:00 +0200

A Coordinadora ‘Eólica Así Non denuncia a falta de amparo e desaire amosados polo Consello Xeral do Poder Xudicial (CXPX) ante a queixa presentada perante este organismo contra a decisión arbitraria e inxustificada da nova presidenta da Sala do Contencioso-Administrativo do Tribunal Superior de Xustiza de Galiza (TSXG), Azucena Recio, de trasladar de sección xudicial todos os preitos relativos a proxectos eólicos e a liñas de evacuación. Esta decisión prodúcese despois de xa ter ordenado o traslado forzoso a outra sección dalgúns dos maxistrados que fallaron a favor da paralización cautelar de polígonos eólicos.

A CIG expresa a súa solidariedade cos presos políticos saharauís do grupo Gdeim Izik en folga de fame

Thu, 15 Oct 2026 18:07:00 +0200

A CIG vén de expresar publicamente a súa solidariedade cos presos políticos saharauís do grupo Gdeim Izik en folga de fame, cando se cumpren xa 23 días desde o inicio desta acción de protesta o 23 de setembro.

Galiza ten 47 centros nos que non se ofertan Latín e Grego presencial malia contar con profesorado con horario dispoñíbel

Thu, 15 Oct 2026 14:46:00 +0200

O persoal docente de Filoloxía Clásica vén de realizar un estudo nun cento de institutos galegos para comprobar unha tendencia que é evidente nos últimos anos: a redución da oferta das materias de Latín e Grego, a amortización de prazas cando se producen xubilacións e a non cobertura desas vacantes nin sequera de forma provisional por profesorado destas especialidades. Froito deste estudo detectaron que nestes intres hai 47 centros con profesorado de Latín e Grego que non están ofertando estas materias senón derivando o alumnado interesado (máis de 200 estudantes) á educación a distancia.

O persoal de transporte de mercadorías continúa na Coruña coas protestas por un convenio digno

Thu, 15 Oct 2026 14:27:00 +0200

Persoal do transporte de mercadorías por estrada concentrouse este xoves no Polígono da Agrela da Coruña para reclamar un convenio provincial digno. A protesta enmárcase no calendario acordado polas centrais sindicais logo da patronal rachar coa mesa de negociación e terá continuidade o vindeiro 22 de outubro cunha nova concentración, ás 11h, en Narón, diante da porta da empresa TAT.

Claman contra a conselleira de Política Social en Santiago pola dignificación laboral nos servizos de atención ás persoas

Thu, 15 Oct 2026 13:24:00 +0200

Persoal dos sectores de discapacidade, menores, educación infantil de 0 a 3 anos, residencias e Servizo de Axuda no Fogar (SAF) mobilizouse hoxe en Santiago de Compostela para reclamar un sistema galego público de atención ás persoas, con salarios dignos e recursos suficientes para garantir unha prestación de calidade. A primeira hora da mañá desenvolveuse unha protesta na Cidade da Cultura coincidindo coa presenza da conselleira de Política Social, Fabiola García, acción que posteriormente se trasladou até a sede da Xunta en San Caetano, onde se deu lectura a un manifesto que recolle as principais reivindicacións de cada sector.

A CIG-Administración esixe responsabilidades ao Concello de Culleredo tras a condena por vulnerar a liberdade sindical

Thu, 15 Oct 2026 13:05:00 +0200

A CIG-Administración Pública esíxelle responsabilidades ao alcalde de Culleredo e á concelleira responsábel en materia de Persoal despois de que o Xulgado do Social nº 1 da Coruña declarase que o Concello vulnerou o dereito fundamental á liberdade sindical dunha delegada. A sentenza considera que a actuación municipal carece de xustificación obxectiva e razoábel e ordena o cesamento da conduta vulneradora, amparando ademais os dereitos sindicais que o Goberno local se negara a recoñecer, como o crédito horario e o uso deste.

A CIG condena a agresión fascista a un compañeiro sindicalista das Pontes

Thu, 15 Oct 2026 10:40:00 +0200

A CIG quere amosar a súa total condena e repulsa á agresión sufrida polo compañeiro Luis Castro da Unión Local das Pontes mentres colocaba unha faixa alusiva a un conflito laboral. A central nacionalista alerta do incremento deste tipo de ataques fascistas e insta a non calar nin deixar sen denunciar calquera acción que atente contra os dereitos e as liberdades democráticas.

Unha sentenza pioneira confirma as eleccións sindicais gañadas pola CIG en Eleuterio López y Cía., do grupo Monbus

Thu, 15 Oct 2026 10:34:00 +0200

O xulgado do Social nº 2 de Santiago vén de emitir unha sentenza firme, contra a que non hai posibilidade de recurso, que confirma a validez das eleccións sindicais celebradas en Eleuterio López y Cía., empresa do grupo Monbus, nas que o sindicato resultou gañador. A resolución xudicial desestima a demanda presentada pola empresa e confirma o laudo arbitral de Inspección de Traballo que xa validara o proceso electoral, avalando a agrupación de distintos lugares de traballo promovida pola CIG.

Seguimento maioritario na primeira xornada de folga no metal de Lugo por convenios dignos

Wed, 14 Oct 2026 18:47:00 +0200

A primeira xornada de folga en demanda de convenios colectivos dignos no siderometal e no comercio do metal de Lugo está resultando un éxito de seguimento, coa actividade da maioría das empresas da provincia paradas e o persoal mobilizándose na rúa.

A CIG chama a participar na manifestación deste sábado 17 en defensa da sanidade pública de Valdeorras

Wed, 14 Oct 2026 13:57:00 +0200

A CIG fai un chamamento a participar este sábado 17 de outubro na manifestación convocada pola Plataforma Sanitaria de Valdeorras en defensa da sanidade pública da bisbarra e contra o desmantelamento do hospital comarcal. A marcha a pé arrincará dende o centro hospitalario do Barco ás 17:30 horas.

A CIG logra 8 de 9 representantes en Viveiros Río Tollo de Tomiño a primeira vez que se celebran eleccións

Wed, 14 Oct 2026 13:17:00 +0200

A CIG vén de lograr 8 de 9 representantes no comité de empresa de Viveiros Río Tollo a primeira vez que se celebran eleccións sindicais nesta compañía de Goián (Tomiño) dedicada á comercialización de plantas e que conta con 122 persoas traballadoras.

A CIG esixe que se priorice o mantemento da actividade fronte ao desmantelamento das empresas Frigodeza, Nucamsa e Rivero

Wed, 14 Oct 2026 12:50:00 +0200

A FGAMT-CIG de Pontevedra esixe que se priorice o mantemento da actividade das empresas Industrias Frigoríficas del Deza (Frigodeza), Nutrimentos del Campo (Nucamsa) e Riverno Alimentación, pertencentes ao Grupo Campos e que se atopan en fase de concurso de acredores. Dende a central sindical demandan do administrador concursal que opte polas ofertas que aposten pola continuidade das unidades produtivas e dos empregos, ao tempo que lle reclaman a adopción de medidas de control e vixilancia para evitar a venta de activos e a descapitalización das compañías.

Almacéns paralizados e tendas pechadas ou en mínimos na nova xornada de folga no comercio de alimentación da Coruña

Tue, 13 Oct 2026 15:21:00 +0200

O persoal do comercio de alimentación da provincia da Coruña chegou este martes á decimo cuarta xornada de folga (a terceira no mes de outubro) en demanda dun convenio digno. Un día máis, o paro rexistra un seguimento masivo cos almacéns e plataformas loxísticas sen actividade e con tendas pechadas ou abertas coas seccións sen actividade e tirando de persoal eventual.

A plataforma en defensa dos medios públicos denuncia a manipulación insoportable e secundará a mobilización do comité

Tue, 13 Oct 2026 14:04:00 +0200

A plataforma en defensa dos medios públicos de comunicación, creada en 2022 ao fío da gran manifestación que o 6 de novembro dese ano demandou en Compostela “Unha CRTVG ao servizo do pobo”, acordou camiñar cara unha nova mobilización para esixir de novo que a radiotelevisión pública, que consideran secuestrada polo Partido Popular que goberna na Xunta, se poña ao servizo de todos os galegos e galegas.

A CIG rexistra a convocatoria de folga xeral en Galiza, o 11N, para frear a deterioración das condicións de vida

Tue, 13 Oct 2026 13:27:00 +0200

A CIG rexistrou esta mañá a convocatoria de folga xeral en toda Galiza para o vindeiro 11 de novembro para reclamar da Xunta de Galiza e do Goberno español un Plan de Choque que permita frear o deterioro das condicións de vida da clase traballadora. Baixo o lema “Galiza en loita por unha vida digna”, a central sindical denuncia que o encarecemento da vida, os salarios insuficientes, a crise da vivenda, a precariedade laboral e a deterioración dos servizos públicos están empobrecendo á maioría social, mentres as grandes empresas continúan obtendo beneficios extraordinarios.

A CIG convoca “martes negros” en Iberdrola para denunciar a perda de poder adquisitivo

Tue, 13 Oct 2026 12:54:00 +0200

A CIG ten convocados “martes negros” en Iberdrola, con concentracións durante o mes de outubro diante da sede central na Rúa de Valdeorras de 8:30 a 8:45 horas, para denunciar a ”escandalosa” perda de poder adquisitivo por parte do persoal da empresa eléctrica. Estas mobilizacións están a celebrarse tamén xe xeito simultáneo en Euskal Herria promovidas pola central sindical vasca ELA.

Centos de persoas mobilízanse na folga do comercio de alimentación en Compostela e Ribeira

Sat, 10 Oct 2026 18:36:00 +0200

A xornada de folga deste sábado no comercio de alimentación da provincia da Coruña tivo un importante seguimento en Ribeira e Santiago, onde centos de persoas sumáronse á manifestación convocada para reclamar un convenio colectivo provincial digno. Segundo valorou Lucía Freire, representante da CIG, a mobilización foi un éxito e evidenciou a disposición do persoal a continuar loitando por mellorar as súas condicións laborais e salariais.

10 de outubro, Día Mundial da Saúde Mental: en defensa do dereito á baixa laboral

Sat, 10 Oct 2026 15:52:00 +0200

Con motivo do Día Mundial da Saúde Mental, a Plataforma SOS Sanidade Pública organizou unha serie de debates ao longo desta semana en diferentes cidades e vilas que culminaron este sábado, 10 de outubro, cun acto central en Santiago de Compostela. Nesta ocasión, o debate centrouse no traballo e a saúde mental.

O persoal de Betanzos HB e da auxiliar Masa concéntrase en memoria do compañeiro falecido e para esixir máis seguridade na fábrica

Fri, 09 Oct 2026 19:36:00 +0200

Un grupo de traballadores e traballadoras de Betanzos HB, así como da empresa auxiliar Masa, concentráronse este venres ás 17:30 horas ás portas da fábrica para lembrar o compañeiro que perdeu a vida no accidente laboral ocorrido o pasado luns, 5 de outubro, e reclamar máis seguridade nas instalacións.

O comité de BorgWarner anuncia protestas ante o incumprimento do convenio en materia de xornada, contratación e saúde

Fri, 09 Oct 2026 16:54:00 +0200

O comité de empresa de BorgWarner, empresa do sector da automoción con centros de traballo no Porriño, Vigo e Nigrán, vén de anunciar a convocatoria de mobilizacións ante os incumprimentos do convenio en materia de xornada, contratación eventual e saúde laboral.

Desconvocada a folga no comercio de alimentación de Lugo tras UGT asinar un convenio ás agochadas do persoal

Fri, 09 Oct 2026 14:54:00 +0200

A CIG anuncia a desconvocatoria da folga e a manifestación prevista para mañá, sábado 10 de outubro, no comercio de alimentación da provincia de Lugo despois de ter coñecemento esta mesma mañá do preacordo acadado pola patronal e a UGT, de costas ás traballadoras e traballadores do sector e fóra da comisión negociadora do convenio.

O asinamento do convenio, tras apenas a segunda reunión de negociación, coa folga xa convocada e co sector mobilizado, supón para a CIG unha oportunidade perdida para conseguir un convenio substancialmente mellor.

A CIG, CCOO e UGT retoman as mobilizacións en demanda dun convenio digno para o transporte de mercadorías da Coruña

Fri, 09 Oct 2026 13:17:00 +0200

CIG, CCOO e UGT concentráronse esta mañá na rotonda do Polígono do Tambre, en Compostela, para reclamar un convenio colectivo digno para o persoal do transporte de mercadorías da provincia da Coruña. A mobilización forma parte do calendario de protestas acordado polas tres centrais sindicais tras a ruptura da mesa de negociación o pasado mes de xuño e ante a falta de avances por parte da patronal.

A CIG participa en Montevideo no 60 aniversario da unificación da PIT-CNT

Fri, 09 Oct 2026 13:12:00 +0200

A central uruguaia pechou o ciclo de actividades de conmemoración do 60ª aniversario da súa unificación coa celebración dun seminario internacional durante os días 3 e 4 de outubro na súa sede en Montevideo.