VII Congreso da CIG Cartel VII Congreso CIG.pdf (1.2 MB)

DOCUMENTOS DO CONGRESO

VII Congreso Relatorio Acción Sindical.pdf
(557 KiB)
VII Congreso Relatorio Organización.pdf
(630 KiB)
VII Congreso ACTAS.pdf
(395 KiB)
Emendas VII Congreso.pdf
(528 KiB)
Informe Executiva VII Congreso_2017.pdf
(558 KiB)

ÚLTIMAS NOVAS

Carril empraza a abrir un debate para a convocatoria de folga xeral

Chama a “sermos valentes para recuperar os dereitos laborais e sociais”

Nacional -

O secretario xeral da CIG, Paulo Carril, que foi o encargado de clausurar o VII Congreso da federación Banca, Aforro, Seguros, Oficinas e Centros de Chamadas, denunciou o avance da precariedade e da represión no Estado español e emprazou a abrir un debate para a convocatoria dunha folga xeral coa que exixir a recuperación dos dereitos laborais e sociais arrebatados á clase traballadora so pretexto da crise.

O VII Congreso da CIG-Banca elixe secretaria nacional a Sefi Romero

Anunciou a apertura dun novo ciclo co obxectivo de darlle un impulso a federación

Nacional -

A federación de Banca, Aforro, Seguros, Oficinas e Centros de Chamadas da CIG celebrou este sábado o seu VII Congreso baixo o lema “Todo por gañar, traballo digno, igualdade, democracia con organización, mobilización e soberanía”. No decurso da mañá as delegadas e delegados avaliaron o traballo desenvolvido nos últimos catro anos e o contexto no que se atopa o sector. Definiron ademais as liñas que guiarán a acción sindical no vindeiro período e elixiron a nova Executiva Federal e as representantes da federación no Consello Confederal. A nova secretaria nacional, Sefi Romero, saíu elixida con 92 votos a favor e 8 abstencións.

CIG-Administración celebra o seu VII Congreso baixo o lema “Servizos Públicos, Soberanía, Democracia”

Terá lugar en Ferrol o vindeiro sábado día 25 de novembro

Nacional -

A CIG-Administración celebra o vindeiro sábado 25 de novembro, en Ferrol, o seu VII Congreso baixo o lema “Servizos Públicos, Soberanía e Democracia”. Unha xornada na que 204 delegados/as debaterán e acordarán as liñas de traballo para os vindeiros catro anos; renovarán o organismo de dirección, escollerán as/os representantes da federación no Consello Confederal e elixirán secretario/a nacional.

Transi Fernández, elixida nova secretaria nacional no VII Congreso da CIG-Servizos

“Cando hai conflito, conseguimos máis avances nos convenios”

Nacional -

A federación de Servizos da CIG celebrou esta mañá o seu VII Congreso baixo o lema “Unha nación, unha clase, un sindicato”. Transi Fernández, até o de agora secretaria comarcal da federación en Vigo, foi elixida secretaria nacional con 145 votos a favor, 15 brancos e 5 nulos, substituíndo no cargo a Paulo Rubido. Unha única candidatura concorreu á secretaría nacional, ao igual que para a Executiva e o Consello Confederal.

"Temos que ser atrevidos/as nas nosas alternativas, para ter presenza nos centros de traballo e encabezar a mobilización social"

Entrevista a Paulo Carril Vázquez, secretario xeral da CIG

Nacional -

O VII Congreso Confederal elixiu a Paulo Carril Vázquez novo secretario xeral da CIG, relevando no cargo a Suso Seixo, quen representa a toda unha xeración de compañeiros/as que coa súa entrega e compromiso foron quen de erguer un proxecto sindical como a CIG. Carril recolle o testemuño deste importante legado, cun obxectivo no curto prazo: facer da central a primeira forza sindical de Galiza en representación nos centros de traballo.

Suso Seixo: “Temos o firme convencemento de que a continuidade está garantida”

Rendeu homenaxe, entre aplausos e cos/coas asistentes en pé, a toda unha xeración que ergueu a central

Nacional -

» ACCEDE AQUÍ AOS VÍDEOS DO VII CONGRESO 

Suso Seixo, secretario xeral da CIG nos últimos 16 anos, despedíase onte dos compañeiros e compañeiras que participaron no VII Congreso rendendo homenaxe a todas e todos os que axudaron a erguer este proxecto colectivo. Un por un foi pedindo que subiran ao escenario para, en representación de todos, dirixirse a un pleno que se puxo en pé e entre aplausos recoñeceu o labor, o compromiso e a valía daqueles que, con todo en contra, foron quen de construír a maior organización social coa que conta o nacionalismo galego para defender os nosos dereitos laborais, sociais e nacionais.

Paulo Carril, elixido novo secretario xeral da CIG

O Congreso Confederal escolleu tamén a Executiva Confederal e a Comisión de Garantías

Nacional -

» ACCEDE AQUÍ AOS VÍDEOS DO VII CONGRESO 

O VII Congreso Confederal remataba a última hora da mañá deste domingo elixindo á nova Executiva Confederal e a Paulo Carril Vázquez como novo secretario xeral da CIG, en substitución de Xesús Seixo. Concluía así o proceso de renovación de cargos e organismos confederais coa posta a punto do ideario programático e no cal se definiron e aprobaron as liñas que guiarán a acción sindical da CIG no vindeiro período.

Aprobado o Relatorio de Acción Sindical con 381 votos a favor, tres en contra e 19 abstencións

O documento analiza a situación da clase obreira galega e recolle as alternativas da central

Nacional -

» ACCEDE AQUÍ AOS VÍDEOS DO VII CONGRESO

O VII Congreso Confederal da CIG aprobaba, na tarde deste sábado, o Relatorio de Acción Sindical no que se analiza a situación da clase obreira galega no actual contexto económico e social e se formulan as propostas da central nacionalista para enfrontar o modelo de relacións laborais precarizado que pretende impor o capital e as consecuencias das políticas antiobreiras aplicadas nos últimos anos baixo a escusa da crise. O documento recibiu 381 votos a favor, 3 en contra e 19 abstencións.

O Relatorio de Organización sae adiante con 313 votos a favor, 23 en contra e 16 abstencións

Reforzar a presenza da central nos centros de traballo, a afiliación e a representatividade, eixos principais

Nacional -

» ACCEDE AQUÍ AOS VÍDEOS DO VII CONGRESO 

O VII Congreso da CIG ratificou as propostas recollidas no relatorio de Organización con 313 votos a favor, 23 en contra e 16 abstencións. Un texto no que, para combater o modelo neoliberal que nestes anos impuxo un proceso de precarización laboral a todos os niveis, a CIG asume que é absolutamente imprescindíbel unha central sindical “viva, dinámica, insubornábel, que practique un sindicalismo combativo, antipacto social, participativo e defensor dunha Galiza democrática e soberana”.

O VII Congreso aproba o Informe de Xestión da Executiva saínte con 458 votos, ningún en contra e só tres abstencións

A CIG é primeira forza do país en afiliación e está a piques de selo tamén en representación

Nacional -

» ACCEDE AQUÍ AOS VÍDEOS DO VII CONGRESO

O VII Congreso da CIG, que se celebra baixo o lema “Coa CIG somos máis fortes”, arrincou esta mañá en Compostela co debate e votación do Regulamento do propio Congreso, o saúdo do secretario comarcal de Compostela, Anxo Noceda, ás/aos congresistas e a presentación do Informe de Xestión, que correu a cargo do secretario xeral, Suso Seixo, e que foi aprobado co voto favorábel da práctica totalidade dos/as congresistas (458 votos), ningún en contra e 3 abstencións.

CALENDARIO PRECONGRESUAL

07/11/2016
→ Convocatoria do Congreso
31/12/2016
→ Data tope fixación nominal membros natos Congreso
16/01/2017
→ Data publicación censos da afiliación
16/01/2017 ao 06/02/2017
→ Prazo de exposición e reclamacións aos censos
07/02/2017 ao 14/02/2017
→ Prazo resolución reclamacións aos censos
15/02/2017
→ Data publicación censos definitivos corrixidos
03/03/2017
→ Data tope aprobación relatorios polo Consello Confederal
20/03/2017 ao 06/04/2017
→ Asembleas federativas comarcais debate relatorios
05/04/2017 ao 28/04/2017
→ Asembleas federativas comarcais elección congresistas
19/04/2017
→ Data tope envío emendas á Comisión Nacional de Organización
03/05/2017
→ Data tope envío congresistas á Comisión Nac. de Organización
27/05/2017 e 28/05/2017
→ Data celebración VII Congreso CIG