![Confederación Intersinidical Galega](/assets/cig/2022/logos/cig.png)
O persoal de Navantia queima o convenio e o plan industrial para evidenciar o seu rexeitamento ás propostas da dirección
![](assets/images/4/2023-07-04_ProtestaNavantiaFerrol_087-2e0dab14.jpg)
Os traballadores e as traballadoras de Navantia mobilizáronse a primeira hora deste martes diante das oficinas da dirección no estaleiro de Ferrol para reiterar o seu rexeitamento tanto á proposta de convenio colectivo como ao plan industrial do grupo e reclamar unha reunión urxente coa dirección.
![](imaxes/adaptadas/780/files/novas/2023/07/04/naval%20ferrol/2023-07-04_ProtestaNavantiaFerrol_02.jpg)
Esta é a primeira mobilización que se fai despois da votación da pasada semana de ambos documentos (que foron rexeitados por ampla maioría en Ferrol e Fene) e para visibilizar esta oposición, na protesta de hoxe procedeuse a unha queima simbólica tanto do convenio como do plan, xa que ningunha das propostas responde ás demandas da parte social.
Co resultado incuestionábel da votación (73,5% en Ferrol e 87% en Fene votaron non ao convenio e o 54,3% en Ferrol e 74% en Fene dixeron non ao plan industrial), a sección sindical da CIG insiste na necesidade de continuar coas negociacións, mais tamén intensificar as mobilizacións para poder acadar un convenio colectivo de condicións dignas e un proxecto industrial que recolla os investimentos e as infraestruturas que os estaleiros precisan para garantir a actividade no futuro.