Na Xunta de Lugo trabállase a baixas temperaturas e fóra dos parámetros que permite a lexislación
CIG-Autonómica ironiza, "despois da conxelación salarial agora aplícannos a conxelación física"
O sector de Autonómica da CIG-Administración denuncia as "insoportábeis e ilegais" temperaturas que se están a rexistrar no edificio da Xunta en Lugo que, en moitos casos, se atopan varios graos por debaixo da temperatura mínima que esixe a lexislación para os postos de traballo. Estas temperaturas, explican, sitúanse nos dezasete graos mentres que as medicións realizadas pola propia Xunta a semana pasada acadaron o resultado de catorce graos Celsius.
