Galiza di “NON” ao preacordo de convenio de Centros de Chamadas
Máis de 1.500 persoas participaron este martes, día 2 de maio, no referendo convocado pola CIG-Banca entre o persoal dos Centros de Chamadas. A federación avalía moi positivamente a participación e o resultado e considera que “trunfou a democracia sindical fronte a un modelo déspota que exclúe aos traballadores e traballadoras da toma de decisión sobre a sinatura de acordos que lle afectan”.
No proceso de votación celebrado na xornada de onte participaron un total de 1.504 persoas. O rexeitamento ao preacordo de convenio foi dun abrumador 95,3% e só o 4,1% manifestaron o seu apoio.
Os resultados a nivel nacional foron os seguintes:
|
VOTOS |
NON |
% |
SI |
% |
BRANCOS |
NULOS |
|
1.504 |
1.433 |
95.3% |
62 |
4.1% |
6 |
3 |
Por empresas foi:
|
Empresa |
Total votos |
Non |
Si |
Branco |
Nulo |
|
Bosch |
547 |
530 |
17 |
0 |
0 |
|
Prosegur |
53 |
50 |
3 |
0 |
0 |
|
UTE - ContactNova |
51 |
50 |
0 |
0 |
1 |
|
Unitono |
86 |
74 |
9 |
2 |
1 |
|
Teleperformance |
123 |
115 |
8 |
0 |
0 |
|
Atento |
112 |
111 |
0 |
0 |
1 |
|
Unísono |
177 |
165 |
10 |
2 |
0 |
|
Abante Lugo |
68 |
62 |
5 |
1 |
0 |
|
Extel |
266 |
257 |
8 |
1 |
0 |
|
DXC Technology |
21 |
19 |
2 |
0 |
0 |
|
Total Sector |
1504 |
1433 |
62 |
6 |
3 |
Este resultado é, para a CIG-Banca, “contundente e claro” e constata que “o persoal en Galiza rexeita os termos do Preacordo de Convenio asinado polas cúpulas directivas de CCOO, UGT e as empresas. Darémoslle traslado, xa que entendemos que debería ser un motivo de reflexión”.
Lexitimidade
A CIG-Banca advirte ademais de que se alguén quere quitarlle lexitimidade a este resultado das urnas, “simplemente dicirlle que se atreva a poñelas para que vote todo o persoal afectado por un mal Preacordo”.
Denuncia que “as maiores ditaduras da historia prohibiron aos sindicatos e da súa actividade, por iso democracia e movemento sindical deberían ir sempre da man” e considera que “os sindicatos deberíamos coincidir en desterrar un modelo paternalista, no que uns elixidos deciden por todos e todas. A democracia representativa burguesa non pode ser un modelo para a clase traballadora”.
Convenio
A CIG xa manifestou no seu momento o seu rexeitamento ao preacordo de convenio colectivo que foi asinado o venres 31 de marzo por CCOO, UGT e a patronal das empresas Contact Center (CA) porque provocará para as traballadoras e traballadores perda de poder adquisitivo; non avanza na estabilidade no emprego e dá un maior poder para as empresa en materias tan sensíbeis como os horarios.
