![Confederación Intersinidical Galega](/assets/cig/2022/logos/cig.png)
Un 80% das novas afiliacións á Seguridade Social en maio en Galiza foron con contrato fixo descontinuo ou temporal
![](files/novas/2024/06/04/Recurso_Datos_Paro-cd05be51.jpg)
O mercado laboral galego continúa a amosar unha tendencia moi negativa no que ten que ver coa calidade e estabilidade do emprego, até o punto de que case o 80% das novas afiliacións á Seguridade Social rexistradas no mes de maio foron mediante contratos fixos descontinuos ou temporais. Ademais, o descenso do desemprego rexistrado neste período produciuse case exclusivamente no sector servizos, polo que a temporalidade, a parcialidade e os baixos salarios continúan a medrar.
A nivel laboral o mes de maio adoita caracterizarse polo descenso das persoas en situación de desemprego e polo aumento da afiliación á Seguridade Social (SS). E este ano no foi unha excepción: a afiliación á SS medrou un 0,8% en Galiza, mentres que o descenso das persoas en desemprego foi do 3,4%.
Persoas paradas provincia |
2024 |
Variación |
||
Abril |
Maio |
Absoluta |
% |
|
A Coruña |
50.129 |
48.497 |
-1632 |
-3,3 |
Lugo |
12.048 |
11.588 |
-460 |
-3,8 |
Ourense |
14.953 |
14.545 |
-408 |
-2,7 |
Pontevedra |
49.204 |
47.406 |
-1798 |
-3,7 |
Total |
126.334 |
122.036 |
-4298 |
-3,4 |
Fonte: Elaboración propia a partir dos datos da SEPE.
Afiliación á SS |
2024 |
Variación |
||
Abril |
Maio |
Absoluta |
% |
|
A Coruña |
465.744 |
469.386 |
3642 |
0,8 |
Lugo |
124.750 |
125.638 |
888 |
0,7 |
Ourense |
105.326 |
106.253 |
927 |
0,9 |
Pontevedra |
372.513 |
376.013 |
3500 |
0,9 |
Total |
1.068.333 |
1.077.290 |
8957 |
0,8 |
Fonte: Elaboración propia a partir dos datos da SS.
Mais esta baixada do paro rexistrouse case exclusivamente no sector servizos, cun 76%. Un sector moi ligado ao turismo, no que o peso da temporalidade na contratación e os baixos salarios é a tónica predominante.
Sectores |
Abril |
Maio |
Absoluta |
% |
Sector primario |
4041 |
3872 |
-169 |
-4,2 |
Industria |
12.448 |
12.042 |
-406 |
-3,3 |
Construción |
8444 |
8180 |
-264 |
-3,1 |
Servizos |
89.976 |
86.755 |
-3221 |
-3,6 |
Sen emprego anterior |
11.425 |
11.187 |
-238 |
-2,1 |
126.334 |
122.036 |
-4298 |
-3,4 |
Fonte: Elaboración propia a partir dos datos da SEPE.
En canto ás novas afiliacións á SS, o 78,2% foi a través dun contrato fixo descontinuo ou temporal. De feito, neste último mes o que máis aumentaron foron os contratos temporais.
|
Afiliación ao réxime xeral |
|
|
|
Galiza |
Variación |
|||
2024/04 |
2024/05 |
Absoluta |
% |
|
TODAS AS MODALIDADES DE CONTRATOS |
815.161 |
824.109 |
8947 |
1,1% |
INDEFINIDO-T. Completo |
472.644 |
473.867 |
1223 |
0,3% |
INDEFINIDO-T. Parcial |
115.448 |
115.762 |
314 |
0,3% |
INDEFINIDO-Fixos Descontinuos |
35.441 |
38.012 |
2571 |
7,3% |
TEMPORAL-T. Completo |
82.715 |
86.167 |
3452 |
4,2% |
TEMPORAL-T. Parcial |
27.523 |
28.502 |
979 |
3,6% |
APREND., FORMACIÓN e PRÁCT. |
5403 |
5350 |
-53 |
-1,0% |
OUTROS |
75.984 |
76.446,36 |
461 |
0,6% |
Fonte: Elaboración propia a partir dos datos da SS.
No que atinxe ao sexo das persoas que saíron do desemprego, os homes foron os máis beneficiados, xa que entre eles descendeu o desemprego un 4,1%, fronte ao 2,9% entre as mulleres. O 58% das persoas en desemprego son mulleres.
Por idades, vemos como a maior idade, menor descenso porcentual de desempregados e desempregadas. No mes de maio, o 61,7% das persoas que continúan en desemprego teñen máis de 45 anos.
Baixa calidade do emprego e extensión da pobreza laboral
O secretario confederal de Negociación Colectiva, Emprego e Industria da CIG, Paco Sío, considera que a pesar dos datos que amosan un descenso do paro en Galiza e da propaganda do Goberno central “na central sindical vemos con preocupación a evolución do mundo do traballo polo tipo de emprego que se está a crear e polas condicións nas que acceden as persoas traballadoras ao mercado laboral”.
A parcialidade fai que haxa persoas traballadoras cada vez máis precarias aínda que teñan un emprego indefinido porque non ingresan o salario completo
Sío lembra que o Estado español, cun 11% da poboación, ten máis do 25% do paro da ‘zona euro’, e posúe o récord europeo tanto en paro como en paro xuvenil (28% do desemprego a nivel europeo).
En canto á evolución positiva dos datos xerais fai fincapé en que o que acontece no Estado Español e en Galiza non é un fenómeno exclusivo, xa que o mes pasado a UE tivo a taxa máis baixa de desemprego da serie histórica (6,4%). “O que si é unha característica propia é a baixa calidade do emprego que se crea e a extensión da pobreza laboral que se está a rexistrar”.
Até o punto de que case o 80% das novas afiliacións á Seguridade Social foron contratos temporais e fixos descontinuos. Ademais, a parcialidade é cada vez maior, tanto na contratación temporal como indefinida. “Isto provoca que haxa persoas traballadoras cada vez máis precarias aínda que teñan un emprego indefinido porque non ingresan o salario completo”.
O responsábel sindical tamén pon o acento no feito de que a baixada do paro mes a mes se produza no sector servizos, “en Galiza centrado no turismo ligado ao Camiño de Santiago, polo que vemos como a medida que vai desaparecendo a industria real no noso país vai medrando a mal chamada industria turística, con salarios baixos e peores condicións laborais”.