![Confederación Intersinidical Galega](/assets/cig/2022/logos/cig.png)
Persoal de Celso Míguez segue coas protestas para esixir o pago de salarios e un plan de viabilidade
![](assets/images/1/20-09-02%20Manifa_Celso_Miguez_Pontevedra_01-fe14e5b1.jpeg)
Traballadores/es de Celso Míguez, empresa dedicada á comercialización de pinturas con sede en Pontevedra pero con centros de traballo por toda Galiza, desenvolveron hoxe unha nova xornada de mobilizacións para esixir o cobro dos salarios que lles adebedan, así como un plan de viabilidade que garanta a continuidade da actividade.
![](imaxes/adaptadas/780/files/novas/2020/09/02/20-09-02%20Manifa_Celso_Miguez_Pontevedra_02.jpeg)
A compañía, que conta cuns 90 empregados/as, comezou dende hai máis de un ano a ter problemas problemas co pago dos salarios, e nestes momentos adebeda as catro últimas nóminas e as pagas extraordinarias de Nadal e xullo, o que está a provocarlle serios problemas económicos ao persoal.
En consecuencia, os afectados/as decidiron iniciar unha campaña de de protestas que inclúe a convocatoria de folga e manifestacións como a que hoxe tivo lugar polas rúas de Pontevedra. As mobilizacións terán continuidade os vindeiros mércores día 9 e 16 de setembro.
Ademais, dende a CIG-Servizos explican que o próximo día 11 celebrarase o SMAC tras a denuncia presentada por impago de nóminas e reclamando a rescisión de contratos dos 17 traballadores/as que asesora a CIG (13 en Pontevedra, 2 en Vigo e 2 en Lugo).
Ao mesmo tempo, critican que a dirección de Celso Míguez se nega a manter unha xuntanza co comité de empresa (2 delegados/as da CIG e 2 de CCOO tras a marcha do presidente do comité, de CCOO) “mentres haxa convocatorias de folga”.