![Confederación Intersinidical Galega](/assets/cig/2022/logos/cig.png)
O persoal dos centros de Política Social retoma as protestas pola recuperación de dereitos laborais
![](assets/images/e/21-01-14_Protesta_Politica_Social_CAPD_Redondela-3148562e.jpeg)
O persoal dos centros de atención directa dependentes da Consellaría de Política Social retomou hoxe as mobilizacións unha vez rematado o Nadal para reclamar a recuperación dos dereitos laborais recortados coa escusa da crise económica en 2012 e para esixir uns servizos de atención ás persoas 100% públicos e de calidade.
![](imaxes/adaptadas/780/files/novas/2021/01/14/Protestas%20politica%20Social/21-01-14_Protesta_Politica_Social_Residencia_Maiores_As_Gandaras_Lugo.jpeg)
As concentracións tiveron lugar ás portas dos centros de traballo de todo o país, e dende as organizacións sindicais convocantes -CIG, CCOO, UGT e CSIF- xa comunicaron alomenos a celebración de dúas novas xornadas de protesta, que se desenvolverán os vindeiros xoves días 21 e 28 de xaneiro.
A de hoxe foi a mobilización número 25 dende que as empregadas/os dos centros de Política Social se decidisen a alzar a voz para reclamar os seus dereitos, atopándose sempre co nulo interese do departamento autonómico en atender a chamada ao diálogo e á negociación por parte das das centrais para rematar cun conflito laboral que se prolonga dende hai meses.