O colectivo de xubilados/as e pensionistas da CIG celebra a súa I Xornada de Debate e Convivio
Terá lugar o vindeiro venres, día 6 de outubro, na Nave de Vidán, en Compostela
O Colectivo de Xubilados/as e Pensionistas da CIG anuncia a convocatoria da I Xornada de Debate e Convivio, que se celebrará o vindeiro venres, día 6 de outubro, na Nave de Vidán, en Compostela.
Entre as 10 e as 14:00 horas as e os asistentes debaterán sobre a necesidade de defender o sistema público de Pensións e sobre a Situación da atención á dependencia, para analizar as súas deficiencias e apuntar as demandas do colectivo a este respecto.
Posteriormente celebrarase un xantar –do que informan que terá un prezo axustado- tras do que se poderá gozar dunha sobremesa musical, entre as 16:00 e as 18:00 horas.
Para participar é preciso inscribirse escribindo colectivo colectivopensionistas@galizacig.gal antes do día 27 de setembro.
