![Confederación Intersinidical Galega](/assets/cig/2022/logos/cig.png)
Miles de persoas proclaman en Madrid que a "Autodeterminación non é delito"
![](assets/images/3/2019-03-15%20mani%20Madrid%20autodeterminacion%20001-c8b49ed3.jpg)
Miles de persoas percorreron as rúas de Madrid, desde Atocha até Cibeles, para proclamar que a "Autodeterminación non é delito", denunciar o xuízo-farsa que se desenvolve contra representantes políticos cataláns e reclamar o dereito a decidir dos pobos. Galiza con Catalunya, da que a CIG fai parte, sumouse á marcha cunha numerosa comitiva para manifestar, ademais, a súa solidariedade co pobo catalán.
![](imaxes/adaptadas/780/files/novas/2019/03/17/2019-03-15%20mani%20Madrid%20autodeterminacion%20000.jpg)
A manifestación estaba convocada pola Asemblea Nacional Catalana (ANC) e Omnium Cultural e nela participou unha importante representación das nacións sen estado, Galiza e Euskal Herria. De feito, a representación da CIG compartiu cabeceira co resto das organizacións.