![Confederación Intersinidical Galega](/assets/cig/2022/logos/cig.png)
Convocan unha manifestación para esixir o desbloqueo das negociacións do convenio do siderometal ourensán
![](assets/images/0/22-07-12_Cartaz_Manifa_Siderometal_Ourense-8f68c380.jpeg)
A CIG e CCOO anunciaron hoxe en rolda de prensa o inicio dun proceso de mobilizacións conxuntas ante o bloqueo patronal da negociación do convenio colectivo do siderometal da provincia de Ourense. A primeira protesta consistirá nunha manifestación que percorrerá as rúas da cidade este xoves día 14 ás 20:00 horas, con saída dende a rúa Diagonal (Xoán XXIII).
![](imaxes/adaptadas/780/files/novas/2022/07/13/22-07-13_Rolda_Prensa_Siderometal_Ourense.jpeg)
Dende as centrais sindicais lembran que o convenio do siderometal de Ourense afecta a preto de 4000 traballadores e traballadoras, e a día de hoxe a negociación está bloqueada despois de que por parte da patronal se puxera enriba da mesa unha proposta pechada e non negociábel, pola que o persoal asumiría unha perda salarial do 6,7% a día de hoxe, sen cláusula de revisión. “Ultimato e proposta que os dous sindicais rexeitamos”, sinalaron na comparecencia diante dos medios de comunicación.
Ao meso tempo, indicaron que a suba “disparada” dos prezos, sen que soban os salarios, supón un recorte sen precedentes,” polo que a CIG e CCOO temos pactado un calendario de mobilización que comezará este mes de xullo, pero que continuará no mes de setembro no que sen dúbida será un outono quente”.