![Confederación Intersinidical Galega](/assets/cig/2022/logos/cig.png)
Convocada unha nova xornada de folga nos centros de chamadas en Galiza
![](assets/images/2/2017-01-26-FolgaCentrosChamadas-Vigo-06-5c4d4ff2.jpg)
Trancorridos 26 meses desde que venceu o Convenio Estatal de Contact Center e ante o bloqueo por parte da patronal e o inmobilismo do sindicalismo español, a CIG convocou unha nova xornada de folga a nivel galego para o vindeiro día 20 de febreiro, que en empresas como Extel, Atento e Abante contará ademais co apoio da CGT.
Esta mobilización convócase logo de que nas últimas reunións da mesa do convenio a patronal fixera propostas de suba salarial que suporían unha nova perda de poder adquisitivo.
Neste sentido, desde a CIG-Banca denunciouse que as teleoperadoras acumulan perdas desde 2009 equivalentes a unha paga.
Nivel |
Salario 2009 |
Salario 2009+IPC |
Salario actual |
Perda salarial |
8 |
14.523 |
16.106 |
15.194 |
-912 |
9 |
14.014 |
15.542 |
14.662 |
-880 |
10 |
13.252 |
14.696 |
13.864 |
-832 |
11 |
12.671 |
14.952 |
13.257 |
-795 |
*Cálculos realizados co actualizador de rendas oficial do INE
Desde a CIG-Banca denúnciase que a perda pode ser maior, tendo en conta que o IPC de xaneiro de 2017 foi dop 3% a nivel estatal e dun 3,2% en Galiza.
Diante desta situación fa un chamamento a participar na folga do 20 de febreiro e nas concentracións convocadas en Vigo, A Coruña, Lugo e Ourense.