Arrinca a formación sindical para delegados e delegadas da CIG
Proximamente darán comezo os cursos de formación sindical 2024-2025 orientados a fortalecer o papel fundamental das nosas delegadas e delegados na defensa dos dereitos da clase traballadora.
A través dun enfoque práctico e teórico, estas formacións abordan temas esenciais como interpretación e cálculo de nóminas, negociación colectiva, lexislación laboral, modalidades de contratación ou organización e mobilización sindical. Ademais, propoñemos estratexias de loita e resistencia fronte ás políticas que representan unha ameaza para as conquistas sociais.
O noso obxectivo é dotar as nosas delegadas e delegados das ferramentas necesarias para representarnos con eficacia, fomentar a solidariedade e fortalecer o movemento sindical, asegurando que a voz dos traballadores e traballadoras sexa escoitada e respectada en todos os ámbitos.
A formación é clave para construír unha forza sindical unida e combativa, capaz de enfrontar os desafíos do presente e do futuro con determinación.
Para máis información e inscricións contacta coa túa federación ou no correo-e:
info.formacion@galizacig.gal
