![Confederación Intersinidical Galega](/assets/cig/2022/logos/cig.png)
A Inspección de Traballo esíxelle a Frigolouro que convirta os autónomos/as de Servicarne en persoal propio
![](assets/images/d/2016%2003%2023%20AutonomosFrigolouroXuntaVigo02.grande-80ba9f8d.jpg)
A Inspección de Traballo vén de comunicarlle ao comité de empresa de Frigolouro -centro de produción de porcino do grupo Coren con sede no Porriño- que xa lle trasladou á dirección da compañía que ten que converter todos/as os falsos/as autónomos/as dependentes da cooperativa Servicarne en persoal fixo antes do vindeiro mes de novembro.
A decisión, que afectará a uns 250 empregados/as só en Frigolouro, chega despois de que a CIG presentase máis de 80 denuncias diante da autoridade laboral por incumprimentos detectados nas provincias nas que a compañía ten centros de traballo (Pontevedra, Ourense e Lugo).
Representantes da FGAMT-CIG e delegados/as da central no comité de Frigolouro comparecerán en rolda de prensa este xoves 15 no local da CIG de Vigo ás 11:30 horas para ofrecer máis detalles e valorar a resolución da Inspección de Traballo.