A CIG preséntase por vez primeira ás eleccións sindicais en Toldos Gómez e obtén a maioría absoluta

A CIG valora moi positivamente os resultados acadados nas eleccións sindicais celebradas este venres na empresa de Arzúa Toldos Gómez, máis tendo en conta que é a primeira vez que consegue presentar candidatura. Os resultados foron, ademais, abrumadores, xa que das/os cinco representantes posibles, a central sindical obtivo catro.

A central sindical valora moi positivamente tamén a alta participación, xa que emitiron o seu voto o 95% das traballadoras e traballadores obtendo o apoio do 70%, isto é  59 votos, fronte aos 25 de UGT.

A CIG-Compostela comprométese a utilizar esta maioría para mellorar as condicións laborais, salariais e sociais das traballadoras e traballadores aos que agradece a confianza depositada.

RESULTADO

• eleccións sindicais
• Toldos Gómez