![Confederación Intersinidical Galega](/assets/cig/2022/logos/cig.png)
A CIG gaña as eleccións sindicais na refinería de Repsol na Coruña
![](assets/images/a/22-05-12_Concentracion_RefineriaRepsol_06-22378f5a.jpg)
A CIG volveu gañar as eleccións sindicais celebradas este luns na refinería de Repsol Petróleo na Coruña, ao lograr 7 representantes dun comité de 17, e recibir máis do 41% dos votos emitidos. Estes resultados avalan a acción sindical e o traballo realizado no complexo industrial nos últimos catro anos, marcados polo deterioro das condicións laborais durante a pandemia, a imposición dun ERTE inxusto, a alta sinistralidade ou a falta de investimentos nas instalacións.
Nestas eleccións, a CIG segue incrementando a súa representación, xa que aínda que o número de delegados e delegadas a elixir baixou de 21 a 17 membros, a porcentaxe de voto obtida polas candidaturas da central nacionalista nos dous colexios subiu máis de 3 puntos en relación ás eleccións de hai catro anos.
Deste xeito, a CIG volveu ser a forza máis votada, acadando o seu mellor resultado no Colexio de Especialista xa que de 6 representantes a escoller, obtivo 4 delegados e o 61% dos votos, mentres que a segunda lista máis votada, a de CCOO, sacou 1 representante co 18% dos votos. A candidatura da CIG tamén foi a máis votada no Colexio de Técnicos/as, ao lograr 3 representantes dos 11 delegadas e delegados que se elixían e o 31% dos votos.
O resultado total das votacións (Colexio de Especialistas e Colexio de Técnicos/as) foi:
|
COLEXIO DE ESPECIALISTAS |
COLEXIO DE TÉCNICOS/AS |
||
DELEGADOS/AS |
% VOTOS |
DELEGADOS/AS |
%VOTOS |
|
CIG |
4 |
61 |
3 |
31,05 |
CCOO |
1 |
18 |
3 |
26,25 |
UGT |
1 |
9 |
2 |
18,95 |
STR |
0 |
5,5 |
2 |
14,95 |
USO |
0 |
6 |
1 |
8,7 |
A sección sindical da CIG agradece a todos os traballadores e traballadoras da refinería a confianza depositada no modelo de sindicalismo combativo e de proximidade que defende a CIG. Estes resultados reforzan o compromiso da central nacionalista na defensa dos dereitos dos persoal e na loita para que Repsol faga os investimentos necesarios no complexo da Coruña para adaptar as instalacións ao novo marco imposto pola Lei de Transición Enerxética e garantir así o mantemento da actividade e do emprego no futuro.