A CIG-Ensino denuncia a supresión de preto de 2.000 prazas presenciais de FP
Na reunión do Consello Galego de FP celebrada hoxe, a CIG-Ensino volveu pedir a dimisión da directora xeral quen confirmou que só poderán rematar presencialmente as ensinanzas que cambian a distancia quen este ano curse ciclos ordinarios, pero non así modular, e insistiu en que esta transformación vén motivada “pola petición dos centros, a baixa matrícula e o abandono do alumnado”. Segundo un estudo comparativo feito polo sindicato das dúas ofertas, o número de prazas en ciclos ordinarios descende en 624 e en modular presencial en 1199. Pola contra, sobe en 2.327 prazas na oferta dual e en 3.050 na modalidade online.
A CIG-Ensino solicitou explicacións sobre como se están gastando os 900 millóns de euros da Estratexia Galega de FP previstos desde 2022 a 2024 e alertou de que se están desviando tanto a centros privados como a unha expansión da dual que, nalgúns casos, chega a impartirse case integramente nas instalacións das empresas.
A directora xeral non negou estas cifras indicando que “a Consellaría considera a oferta dual presencial e prioritaria e quese se incrementa ostensibelmente non se pode falar de redución da presencialidade”, á vez que insistiu en que non recibiron escritos por parte dos centros en contra dos cambios á modalidade online.
A única rectificación neste sentido foi deixar a decisión do profesorado que, segundo ela, “descoñece a normativa”que, se hai acordo co alumnado, a oferta a distancia pode impartirse 100% presencialmente. A CIG-Ensino considera esta proposta “totalmente inviábel” porque non é posíbel atender presencialmente a unha matrícula de 50 persoas, que é a que teñen os ciclos a distancia, nin existe espazo físico nos centros, e anima a seguir enviando por escrito as queixas e demandas á Dirección Xeral e a mobilizarse para manter a oferta modular presencial.
RELACIÓN DE CENTROS AFECTADOS POLA CONVERSIÓN DE OFERTA PRESENCIAL EN DISTANCIA
|
PROVINCIA |
CONCELLO |
CENTRO |
RECORTES E CAMBIOS IMPOSTOS |
|
A CORUÑA |
A CORUÑA |
CIFP ÁNXEL CASAL |
A oferta modular presencial de Mediación Comunicativa, Integración Social e Educación Infantil pasa a distancia |
|
A CORUÑA |
A CORUÑA |
IES FERNANDO WIRTZ |
A oferta modular presencial pasa a distancia: un ciclo de Xestión administrativa, 1 de Administración de sistemas informáticos, un de Desenvolvemento de aplicacións web e 1 de Administración e finanzas |
|
A CORUÑA |
A CORUÑA |
CIFP PASEO DAS PONTES |
A oferta modular presencial do CS de Patronaxe e Moda pasa a distancia. |
|
A CORUÑA |
A CORUÑA |
IES URBANO LUGRÍS |
A oferta modular presencial pasa a distancia: dous grupos de Instalacións de telecomunicación e un de mantemento electrónico |
|
A CORUÑA |
FERROL |
CIFP LEIXA |
A oferta presencial de Igualdade pasa a distancia. Xunto coa eliminación do mesmo ciclo en Pontevedra (A Xunqueira) non se poderá cursar presencialmente en Galiza ciclo de superior de igualdade de xénero. |
|
A CORUÑA |
FERROL |
CIFP RODOLFO UCHA |
Toda a oferta modular pasa a distancia |
|
A CORUÑA |
SANTIAGO |
CIFP COMPOSTELA |
A oferta modular presencial de Infantil pasa a distancia |
|
A CORUÑA |
SANTIAGO |
CIFP POLITÉCNICO |
A oferta ordinaria presencial pasa a distancia: Curso Especialización en Ciberseguridade |
|
A CORUÑA |
SANTIAGO |
IES AS FONTIÑAS |
A oferta modular presencial pasa a distancia: dous ciclos, Xestión Administrativa e Administración e Finanzas |
|
A CORUÑA |
SANTIAGO |
IES SAN CLEMENTE |
Toda a oferta modular pasa a distancia |
|
LUGO |
LUGO |
IES MURALLA ROMANA |
Suprimen a modalidade presencial de ciclo superior de Administración e Finanzas |
|
OURENSE |
OURENSE |
CIFP A FARIXA |
A oferta ordinaria presencial pasa a distancia: un grupo de axencias de viaxes e guías de viaxe |
|
PONTEVEDRA |
MARÍN |
IES CHAN DO MONTE |
A oferta ordinaria presencial (que o centro solicitara que pasase a modular) pasa a distancia: Desenvolvemento de aplicacións multimedia |
|
PONTEVEDRA |
NIGRÁN |
IES ESCOLAS PROVAL |
A oferta modular presencial de Electrónica pasa a distancia |
|
PONTEVEDRA |
PONTEVEDRA |
CIFP A XUNQUEIRA |
Suprimen un ciclo de FP básica, un ciclo superior de integración social de ordinario diúrno pasa a distancia e o ciclo de superior de igualdade de xénero ordinario pasa a distancia con oferta parcial. Peche de 6 aulas. |
|
PONTEVEDRA |
PONTEVEDRA |
IES LUÍS SEOANE |
A oferta modular presencial de Xestión Administrativa pasa a distancia. |
|
PONTEVEDRA |
REDONDELA |
IES CHAPELA |
A oferta modular presencial de Infantil pasa a distancia A oferta modular presencial de Dietética pasa a distancia |
|
PONTEVEDRA |
VIGO |
IES A GUÍA |
A oferta modular presencial de Transporte e loxística pasa a distancia Eliminan a oferta presencial de Comercio |
|
PONTEVEDRA |
VIGO |
IES POLITÉCNICO |
A oferta modular presencial de Obra Civil pasa a distancia. |
|
PONTEVEDRA |
VIGO |
IES RICARDO MELLA |
A oferta modular presencial de Xestión Administrativa pasa a distancia. |
|
PONTEVEDRA |
VIGO |
IES TEIS |
A oferta modular presencial de Informática pasa a distancia. |
|
PONTEVEDRA |
VILAGARCÍA |
IES ARMANDO COTARELO VALLEDOR |
A oferta modular modular pasan a distancia: Administración de sistemas informáticos e Desenvolvemento de páxinas web |