A CIG denunciará as comisións de servizo que incumpren a Lei do emprego público de Galiza
O sector de Autonómica ten contabilizadas nas diferentes consellarías unhas 350 comisións "ilegais en tempo e forma"
A asesoría xurídica da CIG está a valorar interpoñer denuncia xudicial contra a Xunta de Galiza para cortar o abuso na utilización das comisións de servizo por parte das diferentes consellarías. Unha actuación que, critica o sector de Autonómica da CIG-Administración, conta co consentimento de Función Pública. A central sindical ten detectado que existe persoal que leva máis de 8 anos en comisións de servizo, ben sen cambio de posto (aínda que o prazo máximo legal de ocupación dunha praza en comisión é de 2 anos) ou ben con intercambio de prazas "para así saltarse as normas".
