![Confederación Intersinidical Galega](/assets/cig/2022/logos/cig.png)
A CIG acolle a xuntanza do comité executivo da UITBB, a Unión Internacional da Construción
![](assets/images/a/Recurso%20UITBB-f3cc32ea.jpg)
A CIG acolle esta fin de semana, na sede da central sindical na capital de Galiza, a xuntanza do comité executivo da UITBB, Unión Internacional e Sindicatos de Traballadores/as da Construción, Madeira e Materiais de Construción, da Federación Sindical Mundial (FSM).
A UITBB está composta polas federacións nacionais ou sindicatos de traballadores/as das industrias da construción, a madeira, os materiais de construción e actividades conexas. Agrupa no seu seo ás organizacións de traballadores/as desas industrias, sen discriminación de orixe, sexo, relixión, concepción política ou filosófica, nacionalidade ou sistema económico e social en que viven as e os traballadores.
O propio comité executivo salienta a importancia das xuntanzas dos órganos da UITBB xa que permiten adoptar decisións colectivas, fomentando a unidade das traballadoras e traballadores e a solidariedade internacional.
Encontro Europeo
Do mesmo xeito salienta a relevancia das xuntanzas rexionais, como a de Asia e Pacífico, a europea e a latinoamericana, “vitais para a solidariedade rexional, a cooperación e a promoción de preocupacións rexionais específicas”. De feito aproveitarase esta reunión do Comité Executivo para celebrar, ao seu remate, o Encontro Europeo.
Ao abordar os desafíos específicos de cada rexión, estas xuntanzas permiten á UITBB adaptar as súas estratexias, iniciativas e campañas para responder eficazmente ás necesidades das traballadoras e traballadores da construción nas distintas rexións do mundo.
O obxectivo desta xuntanza é analizar a situación do sector entre as e os participantes dos distintos países, establecer o Plan de Acción para o período 2023-2024, empoderar aos traballadores da construción de todo o mundo e promover os seus dereitos e o seu benestar.
Participantes
Entre os sindicatos da Construción que conforman a Executiva da UITBB atópanse organizacións dos distintos continentes e de países tan diversos como Chipre, Uruguai, Congo, Portugal, Vietnam, Palestina, Grecia, Brasil, Colombia, Líbano, Pakistán, Cuba, Bangladesh, Siria, India, Euskadi ou Gabón.
PROGRAMA
- Sábado, 9 de setembro
- 9:00h - 9:20h - Benvida do sindicato anfitrión, a CIG, a participantes
- 9:20 - 10:00 - Presentación a cargo do Secretario Xeral Michalis Papanikolaou (Chipre)
- 10:00 - 10:20 - Descanso Café
- 10:20 - 11:30 – Debate xeral coa intervencións das e dos delegados asistentes
- 11:30 - 11:50 – Descanso café
- 11:50 – 13:00 – Continuación debate xeral
- 13:00 – 14:00 – Xantar
- 14:00 – 15:30 – Continuación debate xeral
- 15:30 – 15:50 – Descanso café
- 15:50 – 17:30 – Debate xeral
- Domingo 10 de setembro
- 9:00 – 10: 30 – Intervencións delegados/as
- 10:30 – 11:00 – Descanso café
- 11:00 – 12: 00 – Resolucións
- 12: 00 – 12:30 – Clausura a cargo do Secretario Xeral da UITBB, Michalis Papanikolaou
ENCONTRO EUROPEO
- Domingo 10 de setembro
- 14:00 – 14:10 – Apertura a cargo do Secretario Xeral da UITBB
- 14:10 – 15:00 – Debate xeral coas intervención de delegados/as
- 15:00 – 15:20 – Descanso
- 15:20 – 16:00 - Resolucións