A Asemblea da CIG As Rías elixe a Fran Rei como novo secretario da Unión Local
No proceso renovouse tamén a Executiva local e aprobouse o Informe de Xestión
A Asemblea da CIG As Rías celebrada o pasado sábado no centro social de Boiro, escolleu a Fran Rei Grille como novo secretario da Unión Local en substitución de Xoán García. Ao proceso presentouse unha candidatura única que recibiu 39 votos a favor e dúas abstencións.
Así mesmo, escolleuse á nova Executiva local e aprobouse o Informe de Xestión da anterior Executiva, no que se repasa a actividade desenvolvida pola central sindical ao longo do último período.
Durante toda a Asemblea quíxose trasladar o enorme agradecemento a Xoán García (que seguirá facendo parte da Executiva) polo traballo e a dedicación como responsábel da UL durante todos eses anos.
Composición da nova Executiva Local da CIG das Rías
- Fran Rei Grille
- Silvia Varela Rodríguez
- Xoán Francisco García Suárez
- María del Carmen Vázquez Brión
- Jorge Meira Pérez
- Óscar David Casais Montemuíño
- Marian Rodríguez Blanco
