![Confederación Intersinidical Galega](/assets/cig/2022/logos/cig.png)
Os axentes ambientais e forestais mobilizaranse en Vigo en defensa do patrimonio natural galego
![](assets/images/5/18-08-17%20CartazManifaAxentesAmbientaisVigo-c112e0b5.jpg)
O comité de folga (CIG e UGT) dos axentes ambientais e forestais da Xunta, en paro indefinido dende o pasado 1 de agosto para reclamar un acordo laboral que regule as súas condicións de traballo, convoca unha manifestación na defensa do patrimonio natural galego este mércores 22 dende a Praza dos Cabalos de Vigo ás 19:00 horas.
![](imaxes/adaptadas/780/files/novas/2018/08/17/18-08-17%20CartazManifaAxentesAmbientaisVigo.jpg)
Con esta marcha, que rematará a carón da estatua de Xulio Verne, na rúa As Avenidas, os traballadores/as públicos/as queren reivindicar tamén a labor de defensa e custodia dos nosos valores naturais que desenvolven no seu día a día e reclamar uns servizos públicos de calidade, así como a dignificación e profesionalización dos axentes ambientais e dos traballadores/as forestais.
Dende o colectivo de axentes ambientais e forestais fan un chamamento a organizacións ecoloxistas, comunidades de montes, entidades na defensa do medio natural e ao conxunto da cidadanía a participar na mobilización para reivindicar “un rural e un monte vivos, porque o noso medio ambiente pide axuda”.