8 de Marzo: Mulleres en folga. Información e horarios.

Nacional -

» Accede aquí ao especial con toda a información sobre o 8 de Marzo

» Respostas ás preguntas máis frecuentes sobre a folga de mulleres do 8 de Marzo

A CIG convoca folga no marco do paro internacional de mulleres que o 8 de marzo secundarán máis de 50 países, para reivindicar a igualdade de oportunidades entre mulleres e homes nas condicións de traballo, na esfera social e o dereito a vivir sen violencia.

A CIG fai un chamamento a secundar este paro de mulleres para seguir reivindicando neste 8 de Marzo que queda moito por facer pola igualdade e por visualizar a contribución de todas as mulleres ao mundo. Paramos porque non podemos seguir aturando tanta discriminación e violencia. Porque hai que concienciar do traballo que fan as mulleres. Que o noso papel na sociedade non é subsidiario. Que somos a metade de Galiza, a metade do mundo. Imos demostrar que o mundo non xira igual se paramos as mulleres. Sóbrannos razóns para ir á folga.

Paros parciais en cada unha das quendas

PAROS POR QUENDAS DE TRABALLO

* de 00h-02h da madrugada

* de 12h a 14h

* de 19:30h a 21:30h

Rexistramos a convocatoria de paros parciais en cada unha das quendas durante o vindeiro 8 de Marzo, dando cobertura legal a todas as traballadoras galegas de todos os sectores produtivos e de todos os centros de traballo, para participarmos neste día de protesta, reivindicación e mobilización: folga no traballo asalariado, folga de consumo, folga de brazos cruzados nas tarefas de coidado, boicot ás empresas con publicidade ou reclamo sexista, e a mobilizarse canda nós este 8 de Marzo, coas feministas, coas sindicalistas, participando de xeito activo na xornada.

Facemos un chamamento a que, nun momento dado do día, as mulleres deixemos o que estamos a facer e paremos para que entendan que non imos permitir máis ataques aos nosos dereitos. Visibilizaremos o traballo achegado polas mulleres nun día normal para o seu recoñecemento.

Marcharemos xuntas en mobilización amosando o poder da nosa unidade.

Mapa de mobilizacións da CIG

Todas as mulleres á folga

Por iso queremos que paredes todas: as estudantes, as xubiladas, as desempregadas, as asalariadas, as funcionarias, as fixas, as eventuais ... Imos intensificar o esforzo divulgativo en todos os centros de traballo, convocando asembleas nas empresas, informando e convencendo da necesidade de ir á folga. Mais tamén man a man coas asociacións de mulleres, veciñais, nos centros de ensino, nas asociacións culturais e deportivas, coas organizacións e colectivos feministas para lograr que o vindeiro 8 de Marzo as mulleres galegas PAREMOS.

Imos demostrar a FORZA e a CAPACIDADE DE MOBILIZACIÓN das traballadoras galegas.
paramos para lembrar a esta sociedade que somos a metade da humanidade e que a metade nos pertence.

Paramos para esixir xustiza. Isto acaba de comezar. O futuro é noso.

Avante compañeiras!

Sóbrannos razóns para ir á folga:

•    Porque cobramos menos ca un home por facer o mesmo traballo. Nos sectores nos que as mulleres predominamos, os salarios son máis baixos que naqueles nos que son os homes os que teñen unha presenza maioritaria.
•    Porque temos máis contratos a tempo parcial ca os homes. Moitos deles duran menos dun mes, mesmo unha semana.
•    Porque está a aumentar o número de mulleres con ingresos inferiores ao SMI e descende o salario medio destas.
•    Porque se nos impide conciliar, porque vivimos co medo a sermos despedidas cando nos convertemos en nais.
•    Porque temos moitas dificultades para promocionar no traballo (teito de cristal/chan pegañento).
•    Porque temos pensións máis cativas ca os homes e moitas nin sequera chegarán a ter acceso á contía mínima.
•    Porque miles de mozas teñen que emigrar para evitar o desemprego ou para non teren que incorporarse aos traballos non cualificados, temporais e mal pagos que se lles ofrecen.
•    Por todos os traballos precarios que seguen a realizar moitas mulleres sen dereitos laborais nin sociais.
•    Porque seguimos a asumir de xeito maioritario unha dupla ou tripla xornada dentro e fóra do fogar, pola falta de corresponsabilidade nos coidados.
•    Porque somos as que solicitamos excedencias durante anos para coidar as crianzas ou a familiares dependentes.
•    Porque sufrimos de xeito maioritario os efectos dos recortes en servizos públicos (saúde, ensino, dependencia...) e na dotación de cadros de persoal que dificultan a atención aos servizos esenciais.
•    Porque para a CIG, as mulleres do mercado de traballo formal e informal e da esfera non pagada da reprodución social, son todas traballadoras. Porque os traballos de coidados deben estar no centro das políticas, e os dereitos das empregadas do fogar deben equipararse sen demora.
•    Porque hai que rachar coa hipocrisía de quen nos felicita un 8 de Marzo, de quen pon en marcha campañas ou aproba protocolos, plans de igualdade, compromisos ou declaracións de intencións baleiras de contido, e ao mesmo tempo ataca frontalmente os nosos dereitos.
•    Porque sufrimos acoso na rúa, na nosa casa, no lugar de traballo. Porque nos agriden, porque nos violan, porque nos matan, polo mero feito de sermos mulleres.

MOBILIZACIÓNS

PAROS POR QUENDAS DE TRABALLO

de 00h-02h da madrugada

de 12h a 14h

de 19:30h a 21:30h

UNIÓN COMARCAL DE VIGO

VIGO: 12:30h Na farola de Urzáiz

VIGO: 12:30h Na estrada Clara Campoamor (na rotonda de aceso ao hospital Álvaro Cunqueiro)

BUEU: 12:30h Diante do Concello (Rúa Eduardo Vicenti, 8)

CANGAS: 12:30h Diante do Concello (Avda. Castelao, 2)

MOAÑA: 12:30h Diante do Concello (Rúa As Barxas, 2)

TOMIÑO: 12:00h Diante do Concello (Praza do Seixo)

TUI: 12:30h No Outlet

O PORRIÑO: 12:30h no IES Ribeira do Louro (Torneiros)

UNIÓN COMARCAL DA CORUÑA

A CORUÑA: 12:00h Na rotonda do CHUAC

ARTEIXO: 12:30h Nas portas do Concello

BETANZOS: 12:30h Nas portas do Concello

CARBALLO: 12:30h Nas portas do Concello

CEE: 12:30h Praza 8 de marzo

UNIÓN COMARCAL DE COMPOSTELA

* 12:30h no Centro Comercial As Cancelas

* 12:30h na Praza de Galiza

* 12:30h diante do Hospital Clínico

* 12:30h diante da Xunta de Galiza en San Caetano

RIBEIRA: 12:00h diante do Hospital do Barbanza

 * 20:00h Praza do Concello

UNIÓN COMARCAL DE FERROL

* 12:30h Praza de Amada García (Edificio da Xunta)

* 12:30h Hospital Arquitecto Marcide

AS PONTES: 12:30h Praza do Concello

UNIÓN COMARCAL DE LUGO

* 12:30h Diante do edificio administrativo da Xunta de Galiza

MONFORTE: 20:00h Praza de España

A MARIÑA / VIVEIRO / BURELA / RIBADEO : 12:30h Diante dos Concellos

UNIÓN COMARCAL DE OURENSE

* 12:30h Praza Maior

O BARCO DE VALDEORRAS: 20:00h Praza do Concello

VERÍN: 20:00h Praza do Concello

UNIÓN COMARCAL DE PONTEVEDRA

* 12:30h na Praza da Peregrina

* 12:00h Hospital de Montecelo

POLÍGONO DO CAMPIÑO: 12:30h e 20:00h na rotonda de acceso

VILAGARCÍA/O GROVE/CAMBADOS: 12:30h Diante dos concellos

PORTONOVO: 12:30h Diante da Piscina Municipal

A ESTRADA: 12:30h Diante do Concello

LALÍN: 12:30 Praza da Igrexa

PONTECESURES: 12:30h diante do Concello

OUTRAS MOBILIZACIÓNS DO MOVEMENTO FEMINISTA GALEGO O 8M

VIGO: 20:00h MANIFESTACIÓN desde a praza de Portugal. Convoca: Plataforma Galegas8M

COMPOSTELA: 20:00h MANIFESTACIÓN dende a Praza 8 de marzo. Convocan: PFG e Galegas8M

FERROL: 20:00h na Praza Amada García. Convoca Marcha Mundial das Mulleres

A CORUÑA: 19:30h na Praza de Pontevedra. Convoca: Galegas8M (Grupo Local)

LUGO:  20:00h. RUADA dende o Multiusos da Xunta. Convocan: PF. Lugo e Translurpies

OURENSE: 20:00h MANIFESTACIÓN desde a Subdelegación do Goberno. Convoca: Galegas8M.

ALLARIZ: 12:30H Praza do Concello

CEE: 20:00h. CONCENTRACIÓN na Praza 8 de Marzo. Convoca: Asociación Feminista Buserana

Volver