A totalidade do persoal de Tecnocom secunda a segunda xornada de folga

A sección sindical enviou unha advertencia á xefa de oficina por retirar a información relativa á convocatoria no centro de traballo

Compostela -

A segunda xornada de folga en Tecnocom, este venres, volveu ser secundada polo 100% dos traballadores e traballadoras, agás os servizos mínimos. Unha folga que continuará o vindeiro luns, día 5 de setembro cunha nova concentración diante do centro de traballo. Porén, por fin conseguiron acordar unha xuntanza coa empresa para o vindeiro martes día 6 de setembro, ás 10:00 h.

A xornada transcorreu con normalidade aínda que a sección sindical da CIG tivo que enviar unha advertencia á xefa da Oficina, por retirar do centro de traballo toda a información relativa a esta convocatoria.

Con todo, e antes da xuntanza coa dirección da empresa o vindeiro martes, agardan pola chamada que se comprometeron a facer o luns para concretar cuestións de cara á reunión do día seguinte.

Os traballadores agardan que desa xuntanza saian os acordos necesarios para non ter que ir á folga os días 10 e 11 de setembro.

Lembran que as súas demandas se resumen en recuperar as quendas tal e como as tiñan antes da modificación unilateral que impuxo a empresa e que sexan compensadas as xornadas en festivos, nomeadamente os festivos especiais.

O 100% do persoal, agás os servizos mínimos, secunda a folga de Tecnocom

Os traballadores/as de Tecnocom amplían a folga aos días 10 e 11 de setembro

Mantense a convocatoria de folga en Tecnocom para os días 1, 2 e 5 de setembro

Persoal de Tecnocom concéntrase diante do centro de traballo no hospital Psiquiátrico de Conxo

Paradas no soporte informático do Sergas pola convocatoria de folga en Tecnocom

Volver