A Unión Local da CIG de Valdeorras fíxose coa totalidade da representación sindical na residencia de persoas maiores Mimara San Cosme de Rubiá, pertencente ao grupo Mimara Asturias Residencial, nas primeiras eleccións celebradas na empresa para escoller tres delegadas de persoal.
A central foi a única organización que foi quen de presentar candidatura a un proceso que tivo lugar hoxe e no que participaron 35 das 49 persoas traballadoras que integran o cadro de persoal.
No proceso participaron 35 das 49 persoas traballadoras
Dende a CIG-Valdeorras agradecen a confianza depositada no proxecto sindical que representa a central nacionalista e adiantan a súa disposición a velar polo respecto aos dereitos laborais e a seguir dando a batalla pola dignificación dos traballos de coidados.