A CIG-Industria convoca unha concentración este mércores en solidariedade co persoal de mantemento do CHUO
Este mércores 21 diante da porta principal ás 10:00 horas
A CIG-Industria de Ourense convoca este mércores 21 unha concentración de apoio á loita do persoal do servizo de mantemento do Complexo Hospitalario Universitario de Ourense (CHUO), que o vindeiro luns 26 iniciará unha folga indefinida para reclamarlle a Ferrovial que cumpra o convenio e remate coa discriminación laboral. A mobilización terá lugar diante da porta principal do centro sanitario ás 10:00 horas.
