A CIG gaña as eleccións en Torre de Núñez e consegue a maioría absoluta no comité
A CIG gañou as eleccións sindicais celebradas no día de onte na empresa cárnica Torre de Núñez ao lograr 8 dos 9 membros que se elixían e facéndose deste xeito coa maioría absoluta do comité. Neste proceso, ademais, a CIG reforza a súa condición de primeira forza sindical ao conseguir tamén 1 representante no colexio de técnicos, no que até agora non lograra presentar candidatura.
Para a FGAMT-CIG de Lugo-A Mariña este resultado (pasar de 4 representantes a 8) avala o traballo sindical desenvolvido nos últimos anos polos delegados e as delegadas, atendendo as demandas do conxunto do persoal e dando resposta ás súas problemáticas.
Por colexios, os resultados son os que seguen:
|
|
Colexio de Persoal Técnico |
Colexio de Especialistas |
||
|
|
Representantes |
Votos |
Representantes |
Votos |
|
CIG |
1 |
15 |
7 |
66 |
|
CCOO |
1 |
10 |
- |
- |
A FGAMT-CIG agradece a confianza depositada novamente polos traballadores e as traballadoras nas súas candidaturas, e considera que estes resultados evidencian a capacidade da central nacionalista de xestionar e trasladar a información precisa ao persoal tamén naquelas empresas reguladas polos convenios de ámbito estatal, cuestión que se pretende presentar por outras organizacións como determinante á hora de elixir os e as representantes no comité.
Torre de Núñez é unha empresa histórica da provincia de Lugo que se dedica á elaboración de produtos cárnicos e que conta con centros de traballo no lugar de Conturiz (Lugo) e no polígono industrial do Corgo. Na fábrica de Lugo traballan 145 persoas.
