A CIG fai un chamamento a participar nas mobilizacións convocadas polo feminismo galego para este sábado, 18 de setembro, en varias localidades do país, en repulsa ao feminicidio de Mónica Marcos Piñeiro, de 52 anos, asasinada na noite do pasado 13 de setembro, a mans da súa parella, no barrio coruñés do Birloque.
Convocamos a toda a sociedade a que visibilice o seu rexeitamento aos valores patriarcais que perpetúan e consolidan na sociedade esta violencia sexista.
Desde a Confederación Intersindical Galega unímonos ao rexeitamento da violencia machista e facemos un chamamento á mobilización de toda a sociedade galega contra este asasinato. Que o silencio non nos faga cómplices. Ningunha agresión pode quedar sen resposta.
Horarios e lugares das concentracións:
A Coruña , 20h no ObeliscoA Guarda , 20h na Praza do ReloxoA Gudiña , 20h na Praza MaiorAllariz , 20h na Praza do ConcelloAs Pontes , 20h na Praza do HospitalBetanzos , 20h detrás do palco da músicaCabanas , 20h diante do ConcelloCatoira , 20.30h na AlamedaCelanova , 19:30h na Praza Maior.Compostela , 20h Praza 8 MarzoFerrol , 20h diante do ConcelloLalín , 20h na Praza da IgrexaMoaña , 20h na Praza do ConcelloMonforte de Lemos , 20h diante do ConcelloO Porriño , 20h Praza do ConcelloOurense , 20h na CastañeiraPontevedra , 20h na Audiencia ProvincialRibadavia , 20h na Praza MaiorVal Miñor , 20h no Cruce da Ramallosa.Vilagarcía , 19h na Praza de GalizaVigo , 20h no Marco
NOTA: Para consultar as convocatorias en actualización: http://feminismo.info/feminismo/blog/ante-o-feminicidio-de-monica-marcos-pineiro-na-coruna/