Desde a CIG levamos tempo pedindo medidas eficientes de redistribución da
riqueza. A crise dos últimos anos serviu de pretexto para implantar reformas
laborais, que profundaron a xa precaria situación da clase traballadora, xa que
non só os novos empregos son precarios, senón que permitiron mudar,
empeorándoa, en moitos casos, a situación das persoas traballadoras que
permaneceron no mercado de traballo durante este longo período.