Persoal sanitario da comarca do Salnés mobilízase contra os recortes e as privatizacións
Traballadores/as das ambulancias denuncian a falta de técnicos/as nas medicalizadas
Persoal sanitario da comarca do Salnés mobilizouse hoxe diante do hospital comarcal convocado pola CIG para rexeitar a política de recortes e de privatizacións da Xunta. Na protesta participaron tamén traballadores/as do sector do transporte sanitario para denunciar a falta de técnicos/as nas ambulancias medicalizadas e a privatización do servizo de atención e traslado dos pacientes de diálise.
