Nova mobilización do persoal do SPIF, en folga para reclamar un novo acordo laboral
Desenvolveu unha concentración diante do edificio administrativo da Xunta en Pontevedra
Persoal técnico do Servizo de Prevención e Defensa Contra Incendios Forestais (SPIF) da Consellaría de Medio Rural, en folga indefinida dende o pasado sábado para demandar a negociación dun novo acordo de condicións laborais e unha resposta máis eficaz deste servizo público, continuou este mércores coas mobilizacións. Nesta ocasión a concentración desenvolveuse diante do edificio administrativo da Xunta en Campolongo, en Pontevedra. O calendario de protestas continuará durante todo o mes de agosto nas catro provincias galegas.
