A finalidade do cobro das cotas sindicais complementarias polos servizos xurídicos da CIG é compensar a falta de antigüidade na central sindical daquelas persoas de recente afiliación, que non contan co tempo suficiente estipulado para teren dereito, entre outros recursos sindicais, á asistencia xurídica gratuíta ante calquera reclamación ou demanda na vía xudicial ordinaria ou administrativa.

*incrementados cos gastos que se precisaran

No caso daqueles expedientes relacionados con asuntos que non impliquen unha indemnización ou contía económica (modificación substancial de condicións de traballo, vacacións, clasificación profesional, recoñecemento de dereito...) as persoas afiliadas terán que satisfacer as seguintes cotas sindicais complementarias en función da súa antigüidade.

*incrementados cos gastos que se precisaran

A persoa afiliada autoriza expresamente que as cantidades que, de ser o caso, se obteñan como consecuencia da presente reclamación se ingresen directamente nunha conta bancaria da cal é titular a CIG. Para tal fin, subscribirá a correspondente solicitude ao órgano administrativo e/ou xudicial, que se formulará na papeleta de conciliación e/ou na demanda.
Unha vez ingresadas as cantidades na conta bancaria da CIG, esta procederá a deducir a contía que corresponda en concepto de cotas sindicais extraordinarias e ingresará a cantidade restante na conta bancaria da persoa afiliada.

Ao subscribirse o presente acordo no marco dunha relación de tipo asociativo-sindical, as partes someten calquera eventual discrepancia na súa interpreta ción ou aplicación aos órganos da xurisdición sociale, dentro dela, aos xulgados do social da localidade onde se asina este documento.
O incumprimento por parte da persoa afiliada da obriga de pagamento de cotas sindicais complementarias dará lugar á denegación do seu acceso á asesoría xurídica da CIG para a realización de novas consultas ou reclamacións, sen prexuízo doutras responsabilidades a que houber lugar.

Para acceder a calquera recurso sindical da CIG, o que inclúe o acceso á Asesoría Xuridica, é preciso ter una antigüidade mínima de tres meses e as cotas ao día. Quen non cumpra estes requisitos terá que pagar previamente a cantidade vixente nese momento en cotas sindicais complementarias.

Na tramitación de expedientes colectivos (5 ou máis reclamantes) será preciso outorgar, ao inicio do mesmo, PODER NOTARIAL a favor da Asesoría Xurídica da CIG. Así mesmo, nos expedientes que puidesen dar lugar a reclamación diante do FOGASA, será preciso sempre PODER NOTARIAL, sexa cal sexa o número de traballadores ou traballadoras, incluíndo o cobro directamente das cantidades que se reclaman.
Tamén terán obriga de facer poder notarial a afiliación coas seguintes antigüidades:

*incrementados cos gastos que se precisaran

A competencia para decidir sobre a interposición dun recuso ou dunha demanda será en primeira instancia da Asesoría Xurídica da Unión Comarcal e en última do órgano de dirección comarcal ou nacional, ou persoa facultada polo mesmo, da estrutura da que dependa a persoa ou persoas afiliadas. Sea persoa afiliada opta voluntariamente por acudir a un avogado ou avogada particular, a central sindical non se fará cargo da minuta dese profesional.