As mobilizacións para reclamar o indulto a Carlos Rivas e Serafín Rodríguez, os dous traballadores condenados a tres anos de prisión por participar nunha folga, volverán este xoves 21 ás rúas de Vigo tras o parón motivado polas vacacións estivais. As centrais CIG, CCOO e UGT chaman a veciñanza a participar na concentración solidaria convocada diante do Marco a partir das 20:00 horas.

A sección sindical da CIG no Concello da Coruña denuncia que o Goberno municipal incumpre “non só nas máis elementais normas de cortesía, senón  tamén, a normativa que rexe as relacións laborais”, ao non avisar os/as conserxes dos colexios das modificacións no seu calendario laboral. Neste senso, sinalan que, ao segundo día de que os/as conserxes iniciaran o seu novo curso tiveron, coñecemento por medio dos/as directores/as dos centros -cos que non gardan relación laboral algunha-, que o seu calendario laboral fora alterado.